അദ്ദിക്ർ

'നിങ്ങള്‍ നീതികൊണ്ട് സാക്ഷ്യം വഹിക്കുന്നവരായി അല്ലാഹുവിനുവേണ്ടി ഉറച്ച് നിലകൊള്ളുന്നവരാകുവീന്‍' എന്ന് പറഞ്ഞതിന്‍റെ വിവക്ഷ നിങ്ങള്‍ ജനങ്ങള്‍ക്കിടയി ല്‍ സാക്ഷിയായ അദ്ദിക്ര്‍ കൊണ്ട് സാക്ഷ്യം വഹിക്കുന്നവരാകുവിന്‍ എന്നാണ്. 4: 135; 10: 4; 11: 85; 57: 25 തുടങ്ങി 17 സൂക്തങ്ങളില്‍ പറഞ്ഞ ഖിസ്ത്വ്-നീതി- അദ്ദിക്ര്‍ തന്നെയാണ്. 5: 42; 49: 9; 60: 8 എന്നീ സൂക്തങ്ങളും അവസാനിക്കുന്നത്, നിശ്ചയം അല്ലാഹു അദ്ദിക്ര്‍ കൊണ്ട് നീതി കല്‍പിക്കുന്നവരെ ഇഷ്ടപ്പെടുന്നു എന്ന് പറഞ്ഞുകൊണ്ടാണ്. 

4: 150-151 ല്‍ വിവരിച്ച പ്രകാരം യഥാര്‍ത്ഥ കാഫിറുകളും ഭ്രാന്തന്മാരുമായ ഫുജ്ജാറുകളാണ് ഇത്തരം സൂക്തങ്ങളെല്ലാം വായിക്കുന്നത്. എന്നാല്‍ ത്രികാലജ്ഞാനമായ അ ദ്ദിക്റിനെ വിസ്മരിച്ച് കെട്ടജനതയായിത്തീര്‍ന്ന ഇവര്‍ 3: 51 ല്‍ വിവരിച്ച പ്രകാരം പ്രവാചകന്‍റെ സമുദായത്തില്‍ പെട്ട ജൈനര്‍, ബുദ്ധര്‍, ഹൈന്ദവര്‍, ജൂതര്‍, ക്രൈസ്തവര്‍ തുടങ്ങിയ ഇതര ജനവിഭാഗങ്ങളെയാണ് കാഫിറുകളും നരകത്തിലേക്കുള്ളവരുമായി പരിഗണിക്കുന്നത്. അദ്ദിക്റിനെ സത്യപ്പെടുത്തി ജീവിക്കുന്ന, നാഥനെ നിഷ്പക്ഷവാനായി അംഗീകരിക്കുന്ന വിശ്വാസി അദ്ദിക്ര്‍ ലോകരില്‍ പ്രചരിപ്പിച്ചുകൊണ്ട് മനുഷ്യരെ ജീവിതലക്ഷ്യത്തെക്കുറിച്ചും അവരവരെക്കുറിച്ചും ആരാണ് വിശ്വാസി, ആരാണ് സ്വര്‍ഗത്തില്‍ പ്രവേശിക്കുന്ന മുന്‍കടക്കുന്നവര്‍, അദ്ദിക്റിനെ വിസ്മരിച്ചുകൊണ്ട് ലക്ഷ്യബോധമില്ലാതെ കന്നുകാലികളെക്കാള്‍ പിഴച്ച ജീവിതരീതി നയിക്കുന്ന ഫുജ്ജാറുകളുടെ പരിണിതി എന്താണ് തുടങ്ങിയ കാര്യങ്ങളെല്ലാം മനസിലാക്കാന്‍ സഹായിക്കുന്നതാണ്. ചിന്താശക്തി ഉ പയോഗപ്പെടുത്താത്ത, അദ്ദിക്ര്‍ കേള്‍ക്കാത്ത, അതിനെക്കുറിച്ച് ലോകരോട് പറയാത്ത ബധിരരും ഊമരുമായ ഫുജ്ജാറുകളെ ദുഷ്ടജീവികള്‍ എന്നാണ് 8: 22 ല്‍ വിശേഷിപ്പിച്ചിട്ടുള്ളത്. 2: 177, 234; 4: 78-79, 135; 17: 17 വിശദീകരണം നോക്കുക.